Maha Jeevitham: river

Maha 2018

Poem on Kerala Floods in Aug 2018in Malayalam language.

Poem: " Tears of My Land" on Kerala floods

By Reva

കരയുന്നോ എൻ കേരളഭൂമി ?

കരഞ്ഞു തീർക്കൂ എൻ പ്രിയ ഭൂമി ,

കാർ മേഘത്തിൻ മൂടുപടത്തിൽ, കൊഴിഞ്ഞു വീഴും നിൻ അശ്രുകണങ്ങൾ ,

മൂകതയിൽ ചെറു നദികളായ് മാറിയതറിയുന്നോ നീ ?......

കരഞ്ഞു തീർക്കൂ എൻ പ്രിയ ഭൂമി ,

കരഞ്ഞു തീർക്കൂ!

കാലവർഷ കെടുതിയിൽ നിന്നും ,

കരയടുക്കാൻ തുണ വേണോ ?നിനക്ക് ,

കരയടുക്കാൻ തുണ വേണോ !

പ്രകൃതി തൻ ദുഷ്കര വികൃതി യിൽ നിന്നും

കരകേറാനായ് തുണ വേണോ !

നിനക്ക്,

കരകേറാനായ് തുണ വേണോ !

കുതിർന്ന മലയിൻ കണ്ണീർ നദികൾ ,

കടലിനെ തേടി ഒഴുകുമ്പോൾ ,

പ്രഭ തൂകും കിരണങ്ങൾ ആടയായ് ചാർത്തി നീ ,

വർണ പുഷ്പങ്ങൾ ചൂടുമോ ?വീണ്ടും നീ ,

സുവർണ പുഷ്പങ്ങൾ ചൊരിയുമോ ?

കരയുന്നോ എൻ കേരളഭൂമി ?

കരഞ്ഞു തീർക്കൂ എൻ പ്രിയ ഭൂമി ,

കാര്മേഘ പടലത്തിൻ ചുരുൾ അഴിച്ചു നീ ,

കരഞ്ഞു തീർക്കൂ എൻ പ്രിയ ഭൂമി ,

ചിരിക്കൂ ഒന്നു ചിരിക്കൂ!

Maha Jeevitham